Jesús Iglesias diz qu’Asturies pue quedar ensin etapa transitoria na retirada de fondos estructurales

El Coordinador Xeneral d'Izquierda Xunida d'Asturies, Jesús Iglesias, dio esta mañana una rueda de prensa pa dar a conocer los motivos polos que la coalición ve que'l tratáu constitucional européu nun ye positivu p'Asturies. Pa Iglesias, "lo mesmo'l PSOE qu'el PP quieren que se vote esti Tratáu colos güeyos zarraos, cosa que nun mos extraña porque la meyor forma de pidir el non son los conteníos del mesmu" Iglesias destacó ente otros asuntos, que l'actual Tratáu Constitucional arrenuncia a concueyar los Derechos Llaborales y les prestaciones de Seguridá Social per una parte y la fiscalidá per otra, faciendo asina porque la mengua de costes llaborales se convierta nel elementu de competitividá más importante y abriéndo-yos el pasu a los riesgos de deslocalización de les empreses hacia los estaos nuevos de l'ampliación de la UE". Iglesias destacó que "ha pensase que'l coste llaboral mediu por hora trabayada d'esos 10 estaos nuevos ye una cuarta parte del d'España. D'otra manera, el tratáu quíta-y a Asturies posibilidaes de recibir más ayudes como yá dixo espresamente la Comisaria Europea de Política Rexonal na so visita a España, el Protocolu 29 del Tratáu Constitucional apauta que namás van poder recibir fondos de cohexón los países que tengan un Productu Nacional Brutu inferior al 90 por ciento de la media de la Unión. Con ello, España queda fuera de la posibilidá de continuar recibiéndo ayudes aseguró Iglesias.

Respective a los Fondos Estructurales el coordinador d'IX n'Asturies punxo en dulda qu'Asturies vaya tener una fase de transición a la retirada de fondos estructurales y recordó que "l'artículu 223 de la Constitución esixe que les primeres disposiciones relatives a éstos tienen d'adoptase por unanimidá y l'Articulu 221 qu'han de revisase cada trés años, lo que dexa más nel aire la posibilidá d'ayudes transitories p'aquelles comunidaes autónomes, ente elles Asturies, que yá nun cumplan colos requisitos económicos pa ser "oxetivu 1"
En Conceyu Abiertu tienes la posibilidá de dexar la to opinión sobre la Constitución Europea