Jesús Sanz pide'l votu pa quien defenden "la vida, la maternidá y los retos de la familia"

UVIÉU, 11 de Mayu (EUROPA PRESS) L'arzobispu d'Uviéu, Jesús Sanz, pidió güei a los ciudadanos qu'escueyan nes próximes elecciones del 22 de mayu a los que "creíblemente" defendan "la vida en toles sos fases, la maternidá y los retos de la familia". Asina lo espunxo na so última carta selmanal recoyida por Europa Press, na que nun da nenguna sigla concreta. Sí diz que ye "menester responsable" participar nes elecciones y que nesta campaña existe'l peligru de que se "engañe" al electoráu demagóxicamente. "Tenemos exemplos bien recientes, onde la mentira irresponsable afondó una crisis económica qu'afecta a un incontable númberu de persones y families", apunta.