Jesús García presentó un llibru nel asturianu de L.lena

L'escritor Jesús García García (Samiguel del Río, L.lena, 1932) presentó güei xueves 1 de xunu la obra "Cuentos de Güilu", ún de los pocos llibros escritos nel asturianu de L.lena. L'alcalde de L.lena, Hugo Morán, y la conceyala de Cultura, Paz García asistieron a la presentación d'esta obra que s'empobinó a la so edición dende la Oficina de Política Llingüística del conceyu pol so valor como documentu de la fala de L.lena y especialmente como material pa la enseñanza.

"Cuentos de Güilu" trata temes que-yos resulten mui allegaos a los mesmos vecinos de L.lena. El so autor dedicó tola so vida profesional a la docencia, doctorándose nel 1981 pola Universidá Complutense de Madrid y algamando nel 1984 consiguió la cátedra de Llingua y Lliteratura del Institutu de Villafranca del Bierzu. Nel 1986 pasó al institutu de Ponferrada, onde se xubiló. Amás d'esti "Cuentos de Güilu", Jesús García tien escritos tamién bien d'artículos y cuentos curtios colos que ganó dellos premios de narrativa.