Jean-Michel Veillon y Jaime McMenemy otra vuelta n'Asturies

La xiblata de Jean-Michel Veillon y el bouzouky de Jamie McMenemy,
componentes los dos de Kornog, vuelven a sonar n'Asturies, esta vegada con un
cursu en Xixón y un par de conciertos.



Jean-Michel Veillon y Jamie McMenemy son miembros del grupu
bretón Kornog, nome propiu de la
escena folk internacional y referencia pa munchos músicos asturianos de folk. La
rellación de Jean-Michel y Jamie McMenemy
con Asturies vien de vieyo, y d'un tiempu p'acá nun ye raro topalos
tocando pelos escenarios asturianos. Pal repertoriu d'esta pareya'l xiblateru
Jean Michel desarolló y adaptó un repertoriu bien llargu,
acompañáu pol bouzouky d'esti escocés que precisó d'asitiase en
Bretaña p'algamar la fama.
Amás de música en directo, esti dúu tamién quieren
facer un llabor didácticu tresmitiendo la so esperiencia y
técnica, y ello ye qu'esti fin de selmana van poner una clas maxistral dende
les 12:00 la mañana hasta les 18:00 nel Muséu Pueblu d'Asturies de
Xixón. Pa poder asisitir a la clas hai qu'acutar plaza en muséu. Amás
d'esti minicursu, el dúu tamién va tocar mañana vienres 8
d'abril nel Centru Cultural Caxastur de Mieres a partir de les 20:00 hores, y
el sábadu 9 nel Centru Municipal Integráu d'El Coto de
Xixón a les 20:00 hores, la entrada nos dos sitios ye de baldre.