Javier López ye'l presidente nuevu de la URAS

La Unión Renovadora Asturiana (URAS) escoyó ayeri una dirección nueva dempués del abandonu de la política del so fundador y líder históricu dende 1999 Sergio Marqués. El presidente nuevu de la formación ye Javier López, hasta agora líder de la formación nel conceyu de Siero.

El presidente de la formación política Unión Renovadora Asturiana (URAS) y ex presidente del Gobiernu asturianu Sergio Marqués, anunciare'l pasáu vienres la so retirada de la política. Presidente d'Asturies ente 1995 y 199, llexislatura na que salió escoyíu pol PP, la crisis cola so formación política llevólu a acabar la llexislatura gobernando en minoría. A la fin, Marqués decidió crear el so propiu partíu políticu, col que llogró 3 escaños en 1999, un resultáu que nun pudo repetir, quedando la URAS fuera del parlamentu nel 2003.