Izquierda Xunida pide la retirada de la Llei de Calidá

El candidatu d'IX al Congresu por Asturies Jesús Iglesias, comentó los puntos fuertes del programa electoral d'Izquierda Xunida en materia d'educación. La retirada de la llei de Calidá de la Enseñanza, la mengua del tope d'alumnos por aula, potenciar la rede pública contra los conciertos con centros particulares y la meyora de les beques son los noyos d'un programa que plantega la necesidá d'apurrir más recursos económicos al sistema educativu, que pasaría a tener el 6% del Productu Interior Brutu en cuenta del 4,9% que recibe anguaño.

Iglesias atacó a la llei de Calidá, de la que dixo que, a llargu plazu, va valir pa convertir les conseyeríes d'educación en sucursales del Ministeriu, y acusó al Gobiernu central de carga-yos a les autonomíes tolos problemes de la educación ensin apurrir recursos