Izquierda Asturiana va presentase en Xixón con Pablo Rodríguez de candidatu

L'agrupación local de Xixón d'Izquierda Asturiana (IAS) decidió presentar candidatura a les próximes elecciones nel conceyu a celebrar en mayu del 2007, escoyendo como candidatu a l'alcaldía al actual portavoz d'IAS en Xixón, Pablo Rodríguez Alonso,

Los militantes xixoneses de Izquierda Asturiana decidieron concurrir a les elecciones de conceyu por unanimidá.

El candidatu Pablo Rodríguez Alonso agradeció l'enfotu del partíu na so persona y definió la candidatura d'IAS como "una alternativa al actual bipatidismu PP-PSOE, y al so apéndiz IX". El candidatu asturianista espresó la so voluntá de "que la voz del asturianismu d'izquierdes se sienta na casa conceyu. Yeimprescindible ufiertá-y a la ciudadanía la posibilidá de votar a una fuerza d'izquierda, asturianista y verde". Nel comunicáu en que da anuncia d'esta decisión, IAS definese como "un partíu en crecimientu en Xixón , con presencia estable na nuestra ciudá y con un númberu de militantes y simpatizantes que permite ensin dulda afrontar con garantíes unes votaciones".

Pablo Rodríguez Alonso (Xixón 1979) ye llicenciáu n'Historia pola Universidá d'Uviéu y escritor, ganando col so poemariu "La lluz del nordés" el certame "Teodoro Cuesta" nel añu 2005. Rodríguez Alonso ye tamién colaborador de los medios de comunicación asturianos Les Noticies y www.asturies.com.