Izquierda Asturiana pide una política de “afirmación asturiana” nel Navia-Eo

La propuesta que fexo'l Bloque Nacionalista Gallegu nel so proyectu de reforma d'estatutu d'autonomía pa Galicia pola que la comunidá vecina podría otorgase autoridá p'amestar conceyos asturianos saca angüeñe nel asturianismu. El portavoz d'Izquierda Asturiana Ignaciu Llope declaró al rau d'ello que la so formación ve con esmolecimientu como'l BNG "intenta redimir" a la población del Navia-Eo énte l'ausencia de una política identitaria y de reafirmación asturiana clara por parte de la FSA".

Según el portavoz nacional d'Izquierda Asturiana (IAS) Ignaciu Llope, "la falta d'estatus llegal d'oficialidá del asturianu y del gallego-asturianu, neto que d'una política cultural clara de reafirmación de la cultura y de les señes d'identidá asturianes en toa Asturies, y sobremanera nel territoriu del Navia - Eo, constitúi una escusa perfecta pa que ciertos sectores en Galicia intenten imponer n'Asturies polítiques teledirixíes".

Pa Llope, qu'acusa al BNG d'intentar apropiase de parte consituyente d'Asturies, "ye esmolecedor qu'esta propuesta venga del BNG, que forma parte del gobiernu gallegu, nun momentu en que dende les instituciones del país vecín multiplíquense los intentos de fomentar la idea de qu'una parte d'Asturias ye culturalmente gallega o de que pertenez a Asturies por una carambola del destín". El portavo d'IAS acusó al BNG de resucitar les idees de Castelao sobre la "Galiza irredenta" con esta propuesta.


Otramiente, IAS llama l'atención sobre la falta d'un discursu y d'una política cultural específiques pa la zona d'un partíu, en referencia al PSOE, al que llamó "especialmente dende'l gobiernu y les instituciones" a defender "ensin prexuicios nin ambigüedaes la cultura y identidá de la zona y fomentar económica y socialmente una zona escaecida" ello al empar que tien de respetase "la palabra y los sentimientos de los sos habitantes que reivindiquen abiertamente la so asturianidá". Les declaraciones de Llope vinieron darréu de les del Presidente asturianu Vicente Álvarez Areces, que dixere sobre la propuesta del BNG que-y abultaba "irracional".