Izar Xixón va prexubilar obreros y entrar en privatización

Los sindicatos del astilleru público IZAR, nel que s'enxerta l'antiguu astilleru de Juliana-Constructora Xixonesa y la Sociedá Estatal de Participaciones Industriales aconceyaron ayeri xueves pa roblar un alcuerdu consistente nel trespasu a manes particulares d'Izar Xixón n'apaeciendo un inversor priváu, ello aparte de la prexubilación de los obreros de más de 52 años,lo que pue dexar la plantiya en cerca de la metada de los más de 400 trabayadores que tien agora.

El global pa tolos astilleros del grupu IZAR supón la perda de más de 4.000 emplegos, y ye qu'esti alcuerdu que prepara una hipotética venta a grupos particulares ye estensivu tamién a los astilleros de Sevilla, Manises y Sestao. Sicasí, nel casu del astilleru vascu'l sindicatu nacionalista ELA y otres organizaciones o nun firmaron la propuesta de la SEPI, organizando esta mañana los trabayadores del astilleru de La Naval una protesta con corte de tráficu.

D'otra parte, los astilleros de Fene y San Fernando siguen como propiedá del estáu dedicaos a un usu militar.