IX-LV alerta de la desapaición del Estáu del Bienestar si gobierna la derecha n’Asturies

Jesús Iglesias, candidatu d’Izquierda Xunida-Los Verdes d’Asturies a la presidencia del país, alertó esti domingu de la desapaición posible del Estáu del Bienestar nel casu de que la derecha gobernara n’Asturies. Nestos momentos, la encuesta del CIS y otros sondeos espublizaos hai poco otorguen a la derecha mayoría absoluta de xuntar los escaños del Partido Popular (PP) y de Foro Asturias Ciudadano (FAC).

“Una reducción del Estáu del Bienestar nes ales d’Asturies baxo l’argumentu maníu de que tienen menos población significaría la coartada perfecta pa reducir l’atención sanitaria, pa zarrar unidaes escolares o reducir prestaciones sociales”, alvirtió Iglesias en Grau, onde participó nun mítin xunto col candidatu llocal, José Luis Trabanco, y el candidatu de la coalición pel occidente, Constantino García. Un gobiernu de la derecha, na so opinión, llevaría a la supresión de servicios y prestaciones en sanidá, n’educación y en servicios sociales “de forma irreversible”. “L’apuesta que fixeron los dos candidatos de la derecha pola desaparición d’impuestos como’l de sucesiones y donaciones supondría privar de recursos imprescindibles pa mantener estos servicios nun mundo rural qu’amás precisa mantener l’actividad económica y les ayudes a la actividá ganadera y agraria”, continuó.
 
Por último, Iglesias aseguró que “hai qu’impedir qu’entierren l’Estáu del Bienestar. Non podemos consentir que los avances que costaron décades algamar se desmantelen en pocos meses. La crisis nun pue ser la coartada pa retroceder al pasáu”. Por eso, señaló necesario “entamar la revuelta de les urnes frente a los recortes”, finalizó.