IX espulsó a los sos conceyales de Cangas del Narcea

Izquierda Xunida cortó pela freba na crisis abierta en Cangas del Narcea, onde'l so cabeza de llista se proclamare al calde colos votos del PP, incumpliendo l'alcuerdu ente IX y FSA pol cual los trés conceyales d'IX teníen que votar al favor de la investidura del socialista José Manuel Cuervo. Tres d'una selmana de negociaciones internes que nun cuayaron, y dempués de que la FSA suspendiere les negociaciones pa llograr alcuerdu de gobiernu n'Asturies, IX anunció la espulsión de José Manuel Martínez, Samuel Areces y Bibiana Martínez. Jesús Iglesias declaró que d'agora en p'alantre esos trés conceyales nun se representen más qu'a ellos mesmos y que'l so proyectu políticu "sofitáu nel votu de xente d'estrema derecha". Dende IX afírmase que la espulsión de los trés conceyales obedez al compromisu de la formación de cumplir colos alcuerdos que tien y que nun ha vese como un esfuerzu por volver a la negociación col PSOE. En cualquier casu, les dos formaciones van volver a aconceyar el próximu llunes a les 10 y media de la mañana na sede de los socialistes.