IX demanda principiar colos trámites de la revisión de la toponimia d'Uviéu

El grupu municipal d'IX n'Uviéu presentó una moción pa entainar los trámites de revisión de la toponimia. El presupuestu del 2015 dedica 50.000 euros pa la igua de los nomes de llugar.

Según informa l'axencia Europa Press, la coalición quier que se-y solicite a Política Llingüística la documentación toponímica del conceyu y someter a Plenu l'aprobación inicial del mesmu pa, darréu, abrir los nomes de llugar tradicionales a información pública y proceder a l'aprobación definitiva. Uviéu ye ún de los 25 conceyos qu'entovía nun normalizó la so toponimia y sigue utilizando la castellana.