Día del Llibru Asturianu

IX califica de "inxustificable" el desallugu de madrugada de los mineros zarraos na Xunta Xeneral

|

La madrugada del vienres, a les 2 hores, los seis mineros de la Compañía Minera Astur Leonesa que taben zarraos na Xunta Xeneral foron desallugaos. Pa Gaspar Llamazares, voceru d'IX, la espulsión foi "inxustificable", polo que pidió información a Sanjurjo.

Tres la Xunta de Voceros d'esta mañana, Llamazares señaló que solicitara al presidente de la Xunta Xeneral información sobre "el desallugu de los mineros que taben zarraos na casa de los asturianos. Creemos inxustificable que se produza esi desallugu a les tantes de la mañana y de sutrucu en llugar de negociar". Pedro Sanjurjo comprometióse a treslladar dicha información a los grupos mientres esta selmana.

El comité d'empresa de la Compañín Minera Astur Leonesa acusó al presidente de la Cámara de ser el responsable del desallugu, nel que participaron mediu centenar de policíes armaos, amás de les formes, al entender que s'escoyó facelo de madrugada pa evitar que nun lo viera naide. Los trabayadores decidieron esti mou de protesta tres aconceyar cola diputada popular Emma Ramos, alcuentru nel que solicitaron mediación col Gobiernu estatal pa convocar una reunión de la Mesa de Siguimientu del Plan del Carbón y la merca de carbón llocal por parte de les centrales térmiques cola fin de salvar la situación que vive la empresa.

Contador Estadistiques