IX-BA-LV van presentase xuntos a les elecciones de marzu

Les formaciones Izquierda Xunida, Bloque por Asturies y Los Verdes van volver a dir xuntos a les elecciones xenerales de marzu del 2008, dempués d'estrenar la so alianza nes pasaes autonómiques del mes de mayu. La coalición presentó ayeri los sos alcuerdos electorales, qu'incluyen la defensa de la oficialidá del asturianu, la reivindicación de mayor autogobiernu nel nuevu estatutu d'autonomía y la defensa d'un modelu de desarrollu que parta de delles premises clares, ente elles la negativa al embalse de Caliao, la incineradora de Serín o a la masificación urbanística de la costa.

La candidata de la coalición nestes elecciones va ser la que fuere conseyera de vivienda n'anterior llexislatura, la veterana Laura González, que tien la responsabilidá d'intentar recuperar pa la formación d'izquierdes el diputáu qu'históricamente tuviera IX por Asturies y que perdió nes xenerales del 2004.