IX-BA-LV presenta un manifiestu de sofitu a les sos candidatures

La candidatura d'Izquierda Xunida - Bloque por Asturies - Los Verdes presentó nesti final de campaña electoral un manifiestu en sofitu a les sos candidatures cola firma de 200 persones, ente elles destacaos representantes de la cultura y les lletres asturianes que defenden el votu a esta opción partiendo de la esperiencia del últimu gobiernu de coalición "que valió pa iguar munchos de los elementos negativos del gobiernu presidíu por Areces en mayoría absoluta". Los firmantes, ente los que s'alcuentren los escritores Ana Vanessa Gutiérrez, Taresa Llorences, Xuan Bello, Milio'l del Nido o Adolfo Camilo Díaz o los músicos Mari Luz Cristobal Caunedo, Chus Pedro y Anabel Santiago, ente otros, presenta a IX-BA-LV como la meyor opción pa la defensa "d'un proyectu propiu de país p'Asturies nel que se reconozan iguales derechos competenciales, financieros, llingüísticos y políticos qu'el restu de nacionalidaes históriques del estáu".