Italia entra pel oriente

Dempués de que la mayoría del capital d'HC quedare en manes del grupu estatal francés EDF, la compra de l'antigua Viesgo por parte de la eléctrica italiana Enel supón entrada del capital públicu italianu nel nuestru mercáu eléctricu. L'estáu italianu tien el 68% d'Enel, que ye'l primer operador na península itálica. Enel pagó-y a Endesa 1.870 millones d'euros na venta, mientres que la eléctrica española compró-y a la italiana la so filial Elettrogen.Viesgo ye una empresa d'orixe cántabru que tien abonda presencia nel oriente d'Asturies, onde tien dellos de los sos cerca de 500.00 clientes. En 1999 fusionose con Endesa, qu'acabó por vendela, cumpliendo asina'l so plan estratéxicu qu'inclúi la espansión nos mercaos d'Europa y América del Sur.