Isaac Turienzo, Chastang y Di Geraldo amiesten el so saber en "Jazz de Raíz"

El pianista Isaac Turienzo, ún de los clásicos del jazz asturianu, presentó ayeri'l so discu nuevu, entituláu "Jazz de Raíz" y pal que'l músicu asturianu contó coles collaboraciones d'otros dos grandes músicos de familia asturiana. El contrabaxu de Miguel Ángel Chastang y la batería de Tino Di Geraldo, que collaboraren con Turienzo dende va un tiempu nos sos conciertos, son les otres dos pates en que se tien el discu, que tuvo un procesu d'ellaboración bien llargu.



Isaac Turienzo (1961) entamó a dase a conocer nos años 80 con formaciones como New Steps Jazz Quartet. Nel 1990 formó l'Isaac Turienzo Trio, formación cola que grabó'l discu "made in asturies" que yera un estoyu de versiones jazzístiques de temes tradicionales asturianos, dalgo que se repite nesti trabayu presentáu ayeri y nel que puen sentise temes como "Xilguerín parleru" "Campanines de mi aldea" o "Paxarinos" ente otros en versiones jazz con pingarates d'otros estilos como'l flamenco.