Irlanda pon-y un pleitu a Inglaterra por una planta nuclear

El gobiernu irlandés entamó güei, según les popies pallabres del ministru del Mediu Ambiente "Les acciones llegales más importantes que nunca nun entamare irlanda". Ello ye que'l gobiernu irlandés tien puestu un pleitu contra la central de reprocesamientu nuclear inglesa de Sellafield Mox. Depués d’años de protestes de grupos ecoloxistes como Greenpeace o Amigos de la Terra contra la central, acusada de contaminar con material radioactivu la mar d’Irlanda, el gobiernu irlandés quixo pasar a l'acción poniendo un pleitu, qu'entama güei en La Haya, ente la Convención de la ONU sobre los Oceanos y les Lleis del Mar.
La canal de noticies de la BBC cubre'l socesu y espeya les declaraciones del gobiernu británicu, que niega que la central nuclear contamine.

Pela so parte, Greenpeace UK, que yá denunciare que Sellafield ye'l llugar del mundu cola concentración más grande de radioactividá, y que la planta tien el récord d’accidentes, explica nesta web al traviés d'un paséu virtual, qué ye lo que se fai en Sellafield, planta que procesa'l MOX, un combustible que saca del plutoniu y del uraniu.