Intensu programa d’actividaes culturales nel Naranco

Rafael Rodríguez Valdés presenta güei a les 8 de la tarde nel chigre Naranco d'Uviéu la so obra "llingua asturiana y movimientu obreru" cola compañía del profesor d'estética de la Univrersidá d'Uviéu Lluis Xabel Álvarez.

El chigre que tien n'Uviéu la Xunta Pola Defensa de la Llingua Asturiana prepara pa esti mes d'avientu un programa d'actividaes culturales estráu d'actos interesantes. Asina, el xueves 9, ta prevista una Charla-coloquiu con Antón Álvarez Sevilla sobre "Les Races Autóctones
d'Asturies"con rifa d'un llibru de les races autóctones ente los asistentes. La música vien el vienres 10 a les 20:30 h cola presentación de "Los Berrones Directo", contando pa ello cola asistencia de dellos miembros del grupu. El Martes 14 a les 8 de la tarde preséntase pela so parte l'Anuariu de la Música Asturiana 2004 qu'edita la casa de discos l'Aguañaz, mientres qu'el xueves d'esa selmana, día 16, Roberto González - Quevedo fala del so llibru "Pan d'Amore" cola compañía de Xuan Bello. Toos estos actos culturales van rematar el sábadu día 18 nuna fiesta de primer aniversariu del establecimientu, de la qu'entovía nun se conocen munchos detalles.