Iniciativa pol Asturianu entama cursos d'asturianu en branu

|
Ordenador cursu

Son en llinia y de nivel básicu 1 y 2.

Esti branu ye posible averase a la llingua asturiana de la mano d'Iniciativa pol Asturianu. La organización entama nestos meses vacacionales cursos d'asturianu destinaos a persones ensin conocimientos previos o que quieren afondar nel so dominiu del idioma.

Asina presenta dos niveles básicos. El 1 ye pa los qu'entamen de cero y el 2 p'aquellos que tengan aprobada la prueba de conocencia de l'Academia de la Llingua Asturiana (ALLA) o que yá fixeren el cursu previu.

El preciu de los cursos, que van desdendolcase a distancia al traviés d'una plataforma dixital, ye de 60 euros, de 50 pa los socios d'Iniciativa pol Asturianu, y la matrícula va tar abierta hasta'l día 13 na web del coleutivu. Les clases van arrancar el 15 y van tener una duración de 36 hores llectives, con final a lo últimu de xunetu, y tolos alumnos que les completen van recibir un diploma acreitativu de nivel de l'ALLA.

Contador Estadistiques