Infoinvest diz que'l derribu de la térmica d'Avilés pue entamar d'esmenu

La inmobiliaria estatal Infoinvest dio ayeri anuncia del entamu, d'equí a la vuelta de pocos díes, del derribu de la central térmica d'Avilés, obra pa la que yá ta concedida la llicencia obligatoria del conceyu. El derribu del edificiu depende yá namás de la disponibilidá de la empresa que tien alxudicaes les obres, Lezama SL, que cuenta con ponese a ello pa la selmana qu'entra.

L'equipu de gobiernu del Conceyu d'Avilés concedió la selmana pasada la llicencia de demolición de la central térmica, pa la qu'esixe protección llegal y declaración como Bien d'Interés Cultural pol so valor como patrimoniu industrial una plataforma cívica na que tán presentes grupos ecoloxistes, asociaciones de vecinos y culturales, los sindicatos USO y CSI, y les agrupaciones polítiques del Partíu Popular, ASIA, Los Verdes y Andecha Astur. En conociendo de l'autorización pal derribu, la plataforma pidiere al Defensor del Pueblu que mandare aparar les obres de derribu del edificiu de los años 50, ensin rempuesta pel momentu.