II Congresu d'Asturianía

Los pasaos díes 9, 10 y 11 d'agostu celebróse n'Uviéu`l II congresu Mundial d'Asturianía, entamáu pol Conseyu de Comunidaes Asturianes y nel que participaron unos 140 congresistes pertenecientes a centros asturianos asitiaos n'Europa y América. Esti númberu ye bien curiosu si tenemos en cuenta la crisis económica que tán sufriendo dellos países sudamericanos y a la que nun ye ayena la bultable colonia asturiana ellí asitiada.

A lo llargo d'esos díes falóse de les importantes necesidaes económiques de la mayoría de los centros, peligrando en dellos casos los programes asistenciales que disponen. Otru de los asuntos trataos ye la incorporación de los descendientes más mozos col fin de garantizar el necesariu relevu xeneracional. Nos díes qu'entren diremos asoleyando les conclusiones d'esti congresu.

Contador Estadistiques