Iglesias calificó de “gobiernu de teunócrates” a l’Executivu de Francisco Álvarez-Cascos

Jesús Iglesias dixo esti martes que’l Gobiernu d’Álvarez-Cascos ta formáu por “teunócrates”. El voceru d’Izquierda Xunida-Los Verdes d’Asturies (IX-LV) na Xunta Xeneral comparó esti Executivu col de los años últimos del franquismu.
 
Asina, destacó que’l Gobiernu nuevu d’Asturies “da prioridá a la formación académica y a la conocencia téunica sobre la orientación política”. Otra carauterísta del Executivu d’Álvarez-Cascos al que se refirió’l el coordinador xeneral d'IX d'Asturies ye l'efeutu ‘sandwich’, y esplicó que frente al perfil políticu d'Álvarez-Cascos esisten unos conseyeros ensin marcáu acentu políticu pero que se ve compensao con figures nes viceconseyeríes “con orixe na derecha asturiana” que “van poder actuar como comisarios políticos”.
 
Iglesias fixo estes declaraciones al traviés d’un comunicáu unviáu pola so formación a los medios de comunicación.