IAS critica que l'asturianu quede fuera de les ayudes europees

Izquierda Asturiana califica de "escándalu ensin precedentes" la
pretensión del Gobiernu de que l'asturiano quede escluyíu de les ayudas
europees "sine die"


El partíu nacionalista Izquierda asturiana espublizó nun comunicación la so esmolición por que "el gobierno pretende impidir que l'asturianu seya oficial n'Europa anque seya declaráu como tal nel estatutu d'Asturies". Ello ye que'l 'conseller' de Rellaciones Institucionales de la
Generalitat valenciana, Esteban González Pons, propunxo al Gobiernu español una solución
de compromisu consistente en nun poner nome a les llingües que seríen oficiales n'Europa, sinón señalando que seríen oficiales na UE "les llingües cooficiales según los estatutos d'autonomía". Según el conseller valenciano, la rempuesta del Gobiernu español
foi negativa "puesto que si, por exemplu, los asturianos modifiquen el so
Estatutu y incluyen el 'bable' como llingua oficial, ésti convertiríase
tamién en llingua cooficial na UE".


Nesti sentíu Izquierda Asturiana considera que "El Gobiernu español pretende citar a les llingües que van ser oficiales n'Europa, ente otres coses pa evitar que l'asturiano seya
oficial, anque lo seya n'Asturies nun futuru". Pa IAS ésto supón la construcción d'un modelu específicu de "marxinación del asturianu nel que la llingua asturiana podrá ser oficial ensin selo, ye dicir, ta preparándose un modelu de supuesta oficialidá que nun llevaría arreyada los mesmos derechos y ventaxes que sí tienen otres llingües y
del qu'esti casu ye solo un primer exemplu". Quedar fuera de la oficialidá n'Europa apunta IAS significaría nun tar nel "programa comunitariu Llingua de promoción de les llingües europees, lo que supondría una importante perda d'ayudes económiques y de visibilidá pa la nuesa
llingua."


Izquierda Asturiana pide nel so comunicáu una reacción y contundente de la sociedá asturiana, yá que'l próximo día 13 d'avientu'l Gobiernu español va presentar oficialmente esta propuesta. Con too y con ello'l portavoz de la organización, Ignaciu Llope, va ponese en contacto estos díes con representantes de l' Academia de la Llingua Asturiana, la Xunta pola Defensa de la Llingua y el Conceyu Abiertu pola Oficialidá p'apurri-yos tola información sobre esta propuesta del Gobiernu Español.