Holanda tamién refugó la Constitución Europea

Cerca del 62% de los votantes nel referéndum d'ayeri dixeron "non" al Tratáu pol que s'establez una Constitución Europea. Con una participación de más del 64% del censu -más que nes anteriores elecciones al parlamentu d'Estrasburgu- Holanda punxo otru palu na rueda de la Constitución Europea.

Anque los partíos de centru, el VVD, de centru derecha, los demócrates cristianos del CDA, los socialistes del PvdA, la centro-izquierda de D'66 y el Partíu de los Verdes s'esforzaron por pidir el "Sí" nel referéndum d'ayeri, el Gobiernu holandés yá reconocía oficialmente enantes de pasar el trámite de les urnes que'l referéndum taba perdíu

Según la Radio Nacional Holandesa, ente los factores que decidieron el votu negativu nesti país de 12 millones d'habitantes apaeció'l mieu a la perda d'influyencia nes decisiones polítiques europees que los estaos pequeños como Holanda diben tener n'aplicándose la Constitución, la negativa a la entrada de Turquía na UE y la refuga al euro qu'esiste n'Holanda dende qu'echare a andar la moneda única.

Más información en Radio Nederland

, Gobiernu Holandés y BBC