Hidrocantábrico métese pel renovable

La eléctrica asturiana Hidrocantábrico sigue desarrollando los sos planes d'espansión dientro'l mercáu eléctricu peninsular. La última iniciativa de la compañía participada por Caxastur, EDP y EnBW pasa por facese col 100% del accionariáu de Sinae, la so filial pa les enerxíes renovables na qu'anguaño comparte titularidá con Caja Madrid y Mapfre. Siendo como ye la renovable una corriente cara, pero altamente subvencionada, nenguna compañía quier quedar fuera del crecimientu del sector, asina que'l movimientu d'Hidrocantábrico vien a concueyar cola iniciativa de les grandes compañíes eléctriques, que tan potenciando les sos filiales d'enerxíes renovables, un mercáu nuevu que que se cuenta con que dea'l 12% del consumu de corriente na UE pal añu 2010.