Hevia interpreta en Xixón la música pa gaita de Juan Carlos Casimiro

El gaiteru José Ángel Hevia ye l'intérprete d'escepción pa la execución de la obra sinfónica "El viento que nos lleva" una pieza pa Gaita solista, orquesta sinfónica y coros de la que ye compositor Juan Carlos Casimiro y que tien testu de Carlos Espina. La obra de Juan Carlos Casimiro introduz al espectador nun viaxe oníricu d'un personaxe asturianu peles cultures del Arcu Atlánticu: Irlanda, Escocia, Inglaterra, País Vascu, Asturies y Galicia, representando musicalmente los estilos que suxeren les distintes tradiciones, mitos y lliendes d'estes cultures relataes na historia creada pa la ocasión. La obra va llevase al escenariu del Teatru Xovellanos dende les 20:30 hores de la tarde del miércoles 30 de mayu.