Hevia espubliza esti llunes el so primer compilatoriu

Dellos discos d'ésitu faen que la discográfica del gaiteru José Ángel Hevia decida sacar a la cai esti llunes el primer compilatoriu del artista col títulu de "Tierra de Hevia". El discu nun solo va atropar los cantares más conocíos del gaiteru, tamién va haber videos, entrevistes, y dalguna remezcla de manos de xente como'l conocíu Carlos Jean.

Entituláu "Tierra de hevia" presentase esti llunes día 18 el primer compilatoriu del gaiteru de maliayu José Ángel Hevia. Esti discu pertenez a una colección de discos que saca la casa de discos del gaiteru, EMI, llamada "music view". Nel compilatoriu vamos poder topar de mano un cd con trece de los cantares más esitosos, más cuatro cantares remezclaos por xente como Carlos Jean, Davio Ferrero y Carlos del Moral. Amás del cd, el compilatoriu vien con un DVD nel que tán tolos videos d'Hevia, cuatro temes interpretaos en directo dende'l Teatru Campoamor d'Uviéu (Baños de Budapest, Fandangu los llobos, El saltón y Si la nieve), una entrevista grabada pal llanzamientu del so album multiplatinu "Al otru llau" y conteníu promocional del discu "Al otru llau".

Con esti discu complétase un círculu dempués de trés discos de mui bon resultáu comercial, Tierra de nadie, Al otru llau y Étnico man non Troppo. Con y too y con ello Hevia nun para de trabayar, y nun tardará en amosar otra vuelta'l so conceptu del folk nun nuevu discu de la mesma llinia que nos anteriores.