Hevia anuncia la Vuelta a España

Como yá adelantáremos la otra selmana, el gaiteru asturianu José Ángel Hevia va encargase, por segundu añu, de la sintonía de la Vuelta a España, qu'esti añu va tener protagonismu asturianu al salir de Xixón la primer etapa y echar la ronda los tres primeros díes per carreteres del país.

Como ye tradición, la sintonía de la Vuelta va tar acompañada d'una presentación en vídeu qu'asocie la imaxe del artista cola de los ciclistes y que faiga tamién propaganda de la villa de la que sal la carrera, motivu pol qu'esta mañana'l gaiteru de Maliayo amaneció na Playa de San Llorienzo de Xixón xunta un equipu de TV que-y sacó delles tomes pa lo que va ser el vídeu promocional d'una Vuelta a España que l'Ayuntamientu de Xixón punxo 103 millones de pesetes porque saliere de la Villa de Xovellanos.