Héctor Braga estrena 'Llobatu', cantar con videoclip adelantu del so trabayu nuevu

El tema cuenta cola collaboración de José Ángel Hevia; de Rigu Suárez y Paul Balmori, de Baxel y Corquiéu; y de les moces d'Algaire.

Yá ta disponible en toles plataformes dixitales 'Llobatu', el cantar que sirve d'adelantu al trabayu nuevu d'Héctor Braga. Ésti acompañáse tamién d'un videoclip rodáu en Cabrales, na población d'Inguanzo, baxo la direición de Titi Muñoz qu'en poques hores supera les 800 visualizaciones.

Con lletra de Braga y música del propiu autor y de Javier Blanco, nel mesmu sal el de La Felguera tocando la gaita rabil en dellos allugamientos xunto con escenes qu'acompañen la historia que cuenta la lletra. La d'un mozu que se convierte en llobatu per 7 años al ser maldecíu pola so madre a los 7 años.

Collaboraron na grabación del cantar Hevia cola gaita; Balmori y Suárez col bouzouki y el low whistle; y Carla Miranda, Iratxe Espina y Loreto Suárez, con glayíos. La previsión ye que'l discu que va incluyir 'Llobatu' tea disposición del públicu en primavera.