HC entra nel gas

De momentu nun se trabaya col plan de poner más grupos, pero l'otru día, la Hidroeléctrica anunció qu'esti añu entama la obra pa poner un grupu nuevu na so central térmica de Sotu Ribera. Esti grupu, que s'anunció de mano con una potencia de 400mw, ye fácil qu'al final se ficiere entovía con más mw de potencia, pero la novedá mayor ye que va ser la primer central térmica asturiana que funcione con gas como combustible. Nun ye l'únicu apueste de la eléctrica asturiana pol gas, porque tamién ta preparando otra central de ciclu combináu n'Arcos de La Frontera.

HC apúntase asina a la corriente que-y marquen los planes del gobiernu, qu'apuesten por da-y más pesu al gas como combustible más barato y con precios más estables que los del carbón. N'Asturies l'apueste pol gas nun acaba de vese bin dende los sectores más venceyaos al caltenimientu de la minería, qu'afalen la construcción de más térmiques que quemen mineral.

Llama l'atención, nesti sentíu, que nun se supiere más del proyectu pa poner otru grupu de carbón na térmica d'Aboño y que sí se dea de pasu la inversión gasística en Sotu Ribera cuando'l Gobiernu Asturianu tien en vía muerta'l proyectu pa poner una planta de regasificación n'El Musel y mientres en Galicia va facese la regasificadora de Mugardos (Ferrol)