Hasta 600 euros de canon

Representantes del Grupu Parllamentariu d'Izquierda Xunida tuvieron esta mañana un alcuentru con sindicalistes agrarios asturianos pa intentar sacar alantre una revisión del canon de saneamientu a les esplotaciones ganaderes. Esti impuestu, que tasa el vertíu d'agua a la rede pública cubriendo, en teoría, los gastos de xestión y depuración d'agua residual, supón pa los ganaderos dende l'añu 2.000, en qu'empezó a pasase-yos, factures de más de 600 euros, cuando la llei esplicita que nun tendríen que cobráse-yos. Según el sindicatu agrariu COAG, namás en conceyu de Xixón cobróse-yos el canon a cerca de 600 ganaderos.El diputáu d'IU Aurelio Martín diz que cuando se debatió en payares del añu pasáu la reforma de la llei d'Abastecimientu y Saneamientu del Agua de 1.994, que ye pola que se fai el cobru d'esta tasa, ellos yá presentaren una propuesta pa retirar automáticamente'l canon a los ganadderos, pero la mayoría socialista en parlamentu refugó tala posibilidá. Los ganaderos, antiguamente y por llei "non suxetos" al canon, anguaño tan teóricamente esentos de pagalu, pero pa que nun se-yos faiga'l cobru tienen que solicitalo, metiéndose pa ello nun barullu burocráticu enorme y teniendo que presentar bien de requisitos xustificando que disponen de depósitos pa los purines que xeneren.