Hai Mus

Mus nun ye solo un xuegu de cartes, tamién ye un grupu asturianu formáu por Fran Gayo y Mónica Vacas, qu'en pocu tiempu algamaron el reconocimientu del mundu del pop electrónico.Frutu d'esti reconocimientu ye que tienen preparáu'l so nuevu discu cola discográfica Acuarela, que saldrá probablemente pa la primer selmana de xunu, anque esperen poder presentalo primero n'Asturies coincidiendo con un conciertu que darán el 30 mayu n'Uviéu del qu'informaremos más alantre.El discu grabóse nestos meses de febreru y marzu nuna casa del barriu del Natahoyo de Xixón, por eso escoyeron un nome con tanta rellación con esti barriu como ye "El Naval". Los músicos del discu, amás de la pareya ya citada, son los habituales Iván Palacios al baxu, Frank Rudow (Manta Ray / Viva las Vegas) a la
batería y Luigi Navarro (Edwin Moses y excambaral) a les guitarres.
El primer single del discu sedrá "Al debalu", que dirá acompañáu por un videu fechu por Ramón Lluis Bande. Pa depués del branu esperen entamar la distribución per otros países como Estaos Xunios, Portugal, Francia o Korea.