Güei quince nuevos casos de coronavirus

La Conseyería de Salú confirmó güei quince nuevos casos de coronavirus, trés de los cualos tán rellacionaos colos biltos declaraos en Cangas, el viaxe d'estudios a Málaga y un bar de Xixón.

El biltu detectáu n'El Chiringuito del Pela, en Courias, suma un nuevu casu y alza hasta diez el númberu total de persones afectaes. Pela so parte, los contaxaos a partir del viaxe d'estudios a Málaga son yá 16 col nuevu positivu. A lo último, nel bar xixonés La Buena Vida, el númberu de contaxos xube a 27, en detectándose un nuevu positivu.

El Serviciu de Vixilancia Epidemiolóxica del Principáu avisó güei al Ministeriu de Sanidad de cuatro positivos procedentes de Madrid y Valencia, y dos más que son contactos estrechos de casos yá conocíos. El restu de los nuevos contaxos tán siendo investigaos para establecer el so venceyu epidemiolóxicu.