Güei presentáse l'asociación polos derechos llingüísticos "Oficialidá"

Esta plataforma naz col oxetivu de ser una ferramienta más na defensa de los derechos llingüísticos de los asturianos, la presentación va ser güei a les 20:00 hores nel Club de Prensa Asturiana n'Uviéu.

L'empresariu José Suárez Cachero, más conocíu por "Felechosa" el cantante de Nuberu, Chus Pedro, Quique Garamendi o Rogelio Álvarez Hevia son dellos promotores de la idega, que nun quier tapar nin facer de menos el llabor d'otres organizaciones de defensa y reivindicación de la llingua más tapar dellos furacos y carencies que los mentores de "Oficialidá" ven nel llabor en xeneral del movimientu asturianista en pro del idioma, centrando'l so llabor n'incidir sobre empreses de gran repercusión pública y determinaes árees de les instituciones públiques.

Oficialidá va funcionar al traviés d'una páxina web que va ser el noyu dende'l que se centralicen toles actividaes, que van entamar con una campaña pa pidir la presencia del asturianu nos caxeros automáticos de Banco Herrero, marca p'Asturies del grupu Bancu Sabadell. Esta web va presentáse güei nel actu nel Club de Prensa, anque yá se puede visitar na direción www.oficialida.com.