El Grupu de Baille Tradicional de Fitoria celebra'l so ventésimu quintu aniversariu con una gala

L'Auditoriu d'Uviéu va acoyer el sábadu la gala cola que'l Grupu de Baille Tradicional de Fitoria celebra'l so ventésimu quintu aniversariu. El públicu va disfrutar de parte de 'Tradicionando'.

Esti espectáculu estrenóse nel pasáu Festival Interceltique de Lorient con una perbona crítica y va vese per primer vegada n'Uviéu un cachu del mesmu gracies a la collaboración de la Banda Gaites Xiranda y Degañan's. Tamién van participar na gala les bandes de gaites Camín de Fierro, Llariegu y Noega, Carlos Velasco, el Grupo Folclórico y de Investigación El Ventolín y les Pandereteres de Fitoria.

El baille del país va ser el filu conductor d'esti eventu con entrada de baldre que va principiar a les 20 hores.