Groenlandia pola dixebra?

Groenlandia, la islla más grande del mundu, tien el 85% de los sos 2 millones llargos de kilómetros cuadraos cubiertos pol xelu y una población de 56.000 habitantes. Dende'l 1.721, la islla ta baxo la tutela de Dinamarca, quien representa a Groenlandia nel estranxeru pero dexa dende 1.978 que la islla se gobierne gracies a un parllamentu propiu. Ello ye que la islla celebra güei unes elecciones parllamentaries nes que les tesis independentistes podríen garrar abonda representación na cámara, acelerando'l camín hacia la soberanía dafechu.

El Partíu de la Comunidá Inuit , d'ideoloxía Marxista-Leninista y que representa los intereses de parte de la población indíxena esquimal, ta por que Groenlandia ruempa definitivamente cola metrópoli danesa, finando asina ún de los casos de colonialismu más particulares del mundu. Lo que más sorprende ye que los comunistes inuits dicen que la independencia groenlandesa ye económicamente posible siempre que se-y tase más a l'exercitu americanu por usar la base militar de Qaanaaq(Thule).

Dende les elecciones del 99 gobierna en Groenlandia'l partíu socialdemócrata Siumut, mientres que n'aquelles elecciones los comunistes inuits algamaron el 22% de la representación