Greenpeace denuncia la illegalidá de la carga del buque MV Ulla

Greenpeace denuncia que'l casu del fundimientu del cargueru MV Ulla saca a la lluz la esportación de residuos peligrosos de forma illegal.

Esti buque que cargó residuos peligrosos nel puertu d'Avilés nel añu 1.999, fundió en Turquía dempués de pasar cuatro años amarráu a puertu. Na investigación que ta llevando alantre'l Ministeriu de Mediu Ambiente sobre'l casu d'esti barcu, acaba de descubríse qu'Asland, empresa encargada del tresporte, yá llevaba cometíes 18 infracciones con anterioridá. Greenpeace demanda al Ministeriu de Mediu Ambiente que faiga públicos estos 18 casos y informe sobre qué países reciben esti tipu de materiales provenientes d'empreses españoles y con qué finalidá y qu'analítiques se realicen enantes d'autorizar la esportación pa conocer el conteníu químicu de les cenices.

La principal infracción a la que Greenpeace se refier ye, como se comprobó nel casu del MV
Ulla, como unes cenices catalogaes como residuos non peligrosos na Directiva de Residuos europea, pueden contener sustancies tóxiques qu'amenacen la salú humano y el mediu
ambiente. Ello ye que la llexislación europea dexa en manes de les centrales térmiques la
caracterización de los residuos, poro, Greenpeace denuncia que'l gobiernu tá incumpliendo
col so deber de protexer la salú público y el mediu ambiente, y l'ausencia de controles curiosos permite que tean enviandose residuos peligrosos a terceros países.


Amás la organización protesta porque Asland pagó namás que 30.000 euros poles 19 infracciones, cantidá menor de lo que cuesta xestionar una sola carga.