Gran Bretaña contradictoria

La Gran Bretaña siempres tuvo les sos particularidaes. Conducen pela izquierda de la carretera, y hasta va poco pesaben cola llibra y midíen con pulgaes, pies y milles . Pero si güei apaecen n'Asturies.con ye porque agora mesmo el gobiernu de Tony Blair tien enriba la mesa dos importantísimos proyectos que se contradicen dafechu . En primer llugar, Londres ta lliberalizando'l serviciu públicu de correos, ún de los más antiguos del mundu, lo que va echar al paro a más de 15.000 persones que trabayen nel Royal Mail (agora Consignia). Paradóxicamente, agora que'l corréu pasa a manes privaes, los ferrocarriles ingleses, tamién de los más antiguos del mundu, tan pa volver a manes del estáu. Ello ye que, tres la privatización siguió la mala calidá del serviciu y diéronse accidentes a mamplén, provocando que la xestión privada de los British Railways nun apurriera'l beneficiu que se contaba que diba dar. Dempués de la quiebra de la compañía Railtrack, que llevaba la infraestructura ferroviaria, parez que la vuelta de los BR al capital público, o meyor dicho, del capital público a los BR, yá nun tien torna. De momentu, acaba de constituyise una sociedá "de salvación" que va encargase de la rede de Railtrack y que va pagar, con perres públiques, a los accionistes de la compañía. Nun momentu en que'l discursu privatizador pierde argumentos, hasta los mesmos diputaos Tories piden servicios públicos de meyor calidá.

Contador Estadistiques