Gotor firma'l decálogu de la Xunta

La Xunta Pola Defensa de la Llingua y Vicente Gotor tan acabante de dar una rueda de prensa pa dar anuncia de que'l candidatu al rectoráu de la Universidá d'Uviéu acepta los 10 puntos del decálogu pola normalización del asturianu que-yos presentare la organización a los dos rectorables. Gotor firmó una copia del decálogu y comprometíose públicamente a cumplir con ello en casu de salir rector nes elecciones del xueves.

De momentu nun se sabe si Juan Vázquez va aceptar tamién el decálogu, anque les negociaciones col actual rector siguen abiertes. De cualquier manera, la campaña yá acabó pa la Pita. Xulio Casado, representante de la Xunta na rueda de prensa, rompió públicamente ún de los carteles en que se pidía'l votu pa la pita y esplicó que la Xunta "retiraba" a la so candidata. Ello nun quier dicir que la campaña acabare pa la Xunta. Si Vázquez nun firma, la Xunta, que tampoco nun va pidir activamente'l votu pa Gotor, diz que tien preparaos actos y materiales pa pidir que nun se vote a Vázquez

Apurrimos equí copia del testu del decálogu que-yos presentó la Xunta Pola Defensa de la Llingua a los dos candidatos