Gómez Hernández y Miñones sustitúin a Maroto y Darias

Garren les carteres d'Industria, Comerciu y Turismu, y Sanidá, de manera respeutiva.

El presidente del Gobiernu estatal, Pedro Sánchez Pérez-Castejón, anunció esta mañana'l nomamientu próximu d'Héctor Gómez Hernández y José Manuel Miñones Conde como ministros nuevos. Sustitúin a Reyes Maroto y Carolina Darias, que van liderar les candidatures del PSOE a les alcaldíes de Madrid y Las Palmas.

El canario Gómez Hernández yá formó parte del equipu de Maroto n'Industria y actualmente facía'l llabor de presidente de la Comisión Constitucional nel Congresu de los Diputaos. Pela so parte, Miñones ye doctor en Farmacia y taba ocupando'l puestu de delegáu del Gobiernu estatal en Galicia.