Germán Díaz lleva a Avilés el so espectáculu basáu nos ritmos del llatíu del corazón

|
Germán Díaz lleva a Avilés el so espectáculu basáu nos ritmos del llatíu del corazón

El pucelanu protagoniza'l segundu conciertu del ciclu 'Escenes Ibériques' del Niemeyer.

German Díaz trai a Avilés esti espectáculu basáu nos ritmos de llatíos del corazón que'l doctor Miguel Iriarte grabó nos años cuarenta y editó en vinilu col nome de 'Método Cardiofónico'. Con un fonógrafu con un motor qu'emplega al so gustu al traviés d'un pedal, va utilizando estos llatíos acompañándalos d'una zanfoña, amás d'una caxa música programable, un órganu de barbaria y otros instrumentos.

El conciertu, siempre únicu pola improvisación en direuto, va tener llugar mañana a les 21 hores na Sala Club del Centru Niemeyer, con entraes a 13 euros. Trátase de la segunda actuación del ciclu 'Escenes Ibériques' qu'abrieron'l pasáu día 10 los gallegos Xabier Díaz & Adufeiras de Salitre y que van pesllar Les Pandereteres el día 17. 

Contador Estadistiques