Gatos del Fornu van actuar nel Festival d'Ortiguerira d'anguaño

Los uvieinos "Gatos Del Fornu" van participar na edición del 2004 del festival gallegu d'Ortigueira, qu'esti añu tien un cartel difícil de meyorar, con The Chieftains y Alan Stivell ente otres estrelles del folk mundial.

"Gatos del Fornu", que casualmente actuen güei n'Uviéu nos conciertos de L'Ascensión , van ser la representación asturiana na XXV edición del tradicional macro festival folk d'Ortigueira, que va celebráse na localidá gallega los díes del 9 al 11 de xunetu. El d'Ortigueira ye ún de los eventos de música folk más importantes del Estáu Español y d'Europa. Pa decatáse de la importancia del festival namás hai qu'echar una güeyada al restu de grupos grupos que van tar ellí. El cartel, d'auténticu luxu, presenta ente otros al grupu irlandés Kila , el míticu arpista bretón Alan Stivell, el grupu escocés Capercailie y la gaitera gallega Susana Seivane. La riestra de nomes históricos del folk mundial que van aconceyar n'Ortigueira incluye tamién a grupu quebequés La Bottine Souriante, los bretones Kevren Brest St. Mark, los históricos The Chieftains y el gaiteru gallegu Carlos Núñez ente otros.