Gas en Galicia y carbón n'Asturies

Ayeri daben de pasu la construcción de la planta regasificadora de Mugardos (Ferrol) que tará acabada pal añu 2005. Esta instalación, que tuvo nel centru d'una polémica, porque queríen que s'instalare pal esterior de la ría y non nel interior, vien a completar el panorama de plantes regasificadores nel norte peninsular xunta la de Bilbao, y dexa de pasu un poco más difícil la construcción d'una planta de regasificación en Xixón, un proyectu defendíu dende'l Principáu y que se presentaba venceyáu a l'ampliación d'El Musel pero que nunca nun tuvo sofitu dende les empreses teóricamente interesaes, sobremanera dende Hidroeléctrica, que, anque va tirar pol gas pa la central nueva de Soto Ribera, ta dando a entender que'l grupu nuevu que quier p'Aboño sedrá de carbón.