Ganó la derecha en Portugal

El PSD de Durao Barroso, col 40,1% de los votos, sacó 102 diputaos nes elecciones a l'asamblea lexislativa de Portugal, mientres que'l Partíu Socialista va quedar con 95 escaños. D'esta manera confírmase'l trunfu de la derecha en Portugal que yá se vía venir cuando les últimes municipales, pero tampoco nun llega a cuayar la mayoría absoluta que se venía dando por segura d'unes selmanes p'acá. Anque'l socialismu portugués menguó en votos, el gran perdedor na esquierda portuguesa ye la coalición Partíu Comunista - Verdes, que baxen de tercer a cuarta ferza superaos pol CDU-PP, la otra fuerza de la derecha portuguesa que, anque pierde un escañu (de 15 a 14) ye la bisagra na mayoría de la derecha parlamentaria pa poner a Barroso de Primer Ministru. Na esquierda, la única fuerza que sal ganando ye el Bloco d'Esquerda, que col 2,76% de los votos saca 3 escaños, ún más de los que tenía.