Ganaderos de la central, esmolecíos pola alquisición de Puleva

L'Agrupación Independiente de Ganaderos de la Central Llechera Asturiana (AIG-CLAS) ta esmolecida énte la posibilidá de que la empresa matriz de CLAS, Corporación Alimentaria Peñasanta, merque la divisón llechera d'Ebro-Puleva, en cuantes qu'ello dexaría en minoría a los socios cooperativistes de CLAS en Conseyu d'alministración de Corporación Peñasanta.

Casu de facese cola estaya de lleche de Puleva, CLAS tendría un 60% más de presencia en mercáu, pero los socios ganaderos y cooperativistes de CLAS tienen pa ellos que la decisión en tou casu ha tomase contando con ellos. Según el colectivu ganaderu, que representa'l 70% de la producción de la empresa y al 47% de los sos socios, el conseyeru delegáu de Corporación Peñasanta Pedro Astals quier francer el modelu cooperativista de CLAS, ello cuando amás, siempres según la visión de AIG-CLAS, la empresa nun tien fuelgu financieru abondu pa entrar a la operación, que requier una inversión de 300 millones d'euros.