Gana la banca

Nun ye que teamos nel casinu de Montecarlo, pero la mayor entidá financiera asturiana ta acabante d'anunciar los sos resultaos nel añu 2.001. Caxastur despidió l'últimu añu de la peseta con un beneficiu de 13.805 millones de pesetes (83 millones d'euros), lo que supón el 20% más de ganancia que nel añu 2.000. Caxastur xestionaba, a 31 d'avientu del 2.001 6.438,7 millones d'euros de los sos clientes, el 10% más que l'añu anterior. Los ingresos por comisiones xubieron el 5,2%, mientres que la entidá vendió un 30% más de créditos y hipoteques. Lo único que-y salió mal a la caxa asturiana nel 2.001 foi la inversión en bolsa, onde perdió 0,8 millones d'euros.