Galán pon una charra sobre la situación del idioma nel franquismu

Entitúlase 'La situación del asturianu nel Franquismu. Una llingua minorizada nel marcu d'un réxime totalitariu y centralista'.

L'escritor y periodista Inaciu Galán sigue trabayando na so tesis sobre la situación de la llingua asturiana nel franquismu, qu'espera finar nel 2018, y pon esta conferencia pa dar a conocer dalgunos de los datos que foi recopilando nestos dos años últimos. Asina va afondar nes prohibiciones que vivieron toles llingües distintes del castellanu mientres la dictadura de Francisco Franco y cómo esto influyó a la llingua asturiana y nes discusiones internes ente partidarios y detractores del asturianu del propiu réxime.

La charra va celebrase mañana a les 20 hores nel Club La Nueva España de Gijón, asitiáu Sala Cultural CaxAstur Monte de Piedá. La entrada ye llibre hasta completar aforu.