Gaites de Santu Adrianu pa los cursos d'asturianía

Hai unes selmanes la empresa de construcción de gaites de Santu Adrianu, "Les Xanes S.A.", y el "Conseyu de Comunidaes Asturianes" firmaron un alcuerdu de collaboración pal desenvolvimientu de los cursos d'asturianía.Estos cursos son una forma d'averar a emigrantes asturianos, o descendientes d'estos, a la cultura asturiana, faciendo asina que nun se pierda la conexón col llugar de procedencia, al traviés d'elementu identitariu más importante que tenemos, la nuestra cultura. Col alcuerdu "Les Xanes S.A." comprométese a facilitar los instrumentos necesarios a los alumnos durante los tres ciclos de formación, pola so parte'l conseyu difundirá'l llabor de collaboración de la fábrica con esta iniciativa per tol mundu.Con esti proyectu "Les Xanes S.A." quier facer conocer el so productu per tol mundu, entamando polos emigrantes asturianos.

Contador Estadistiques