Gadafi asegura que “nun va abandonar Libia” y acusa de traición a los países árabes ‘amigos’

El dirixente libiu, Muamar Gadafi, nun ta contentu cola actuación de los países árabes ‘amigos’ y acusólos de traición nun mensaxe televisáu. Amás, aseguró que “nun va abandonar Libia” y que va morrer "como mártir".
 
Gadafi alcuéntrase nuna situación complicada poles protestes ciudadanes que reclamen democracia y llibertá, y ta respondiendo con una represión dura na que participa l’exércitu con aviones de combate y armamentu pesáu, según testigos. El dirixente del país norafricanu acusó a los manifestantes de tomar “drogues alucinóxenes” y señaló que “vamos a emplegar la fuercia si ye necesario acordies col Derechu Internacional y la Constitución libia”. Inclusive, señaló que los que perxudique a Libia merecen ser castigaos con una pena de muerte.
 
‘El líder de la Revolución’, como se-y conoz ente los sos siguidores, tamién aseguró que los opositores quieren tornar Libia nun Estáu islámicu, “otru Afganistán”. Amás, no que respecta a los países árabes ‘amigos’ del dirixente, Gadafi acusólos de “traición” y de “buscar el caos” nel país.